واجب العيد

أكتوبر 13, 2007 at 8:12 م | In Tag, واجب |

واجب دبستني فيه المدونة الحبوبة فيميل :)

_ متى تشتري ثياب العيد غالباً ؟

أشتريها قبل رمضان أو حتى في بعض الأحيان قبله بأكثر من شهر..ما أحب الدوارة في السوق في رمضان…عشان الزحمة وعشان استغل هالشهر في الطاعة…والأسواق في هذا الوقت مصايب!!! واذا حبكت -مثل هالعيد- وما شريت قبل رمضان أروح السوق بس الصبح..هذي فوايد البطالة :mrgreen:

ـ ما نوع الماركات المحببة لديك؟

ما أهتم اذا كانت الثياب ماركة ولا لأ…أهم شي تكون مناسبة لي من ناحية الألوان والشكل

ـ هل لديك طقوس معينة في شراء مثل هذه الملابس .. مثل؟

خخخخخخخ..الظاهر يا فيميل ان عندنا نفس العقدة..أنا بعد لااااازم أوديهم المغسلة قبل لا ألبسهم.. ثلاثة ارباع العالم لامسين القطعة..ومافيني شدة أمراض..بعيد الشر عنا وعنكم وجميع المسلمين!

ـ ما معيارك في شراء الملابس .. هل هو الغلاء أم الشكل المميز ؟

امممم..يعني مقايضة ما بين الغلاء والشكل…بس الشكل يغلب في النهاية!

ـ ما رأيك بموضة تطريز الثياب المنتشرة أخيراً ؟!

بصراحة أنا أول ما شفت هذا النوع من الأثواب استنكرت الموضوع..بس لما فكرت فيها شفت أنه عادي بس تنلبس للمناسبات الخاصة أفضل.

التمرير: رادار ، و فاطمة شدوا حيلكم :mrgreen: ولا صفر على طووول :P

12 تعليق »

خلاصة "RSS" للتعليقات على هذه التدوينة. عنوان التتبع

  1. ماشاءالله علينا نشتري قبل رمضان ( عامل مشترك جديد :mrgreen: ) ,
    مو زي فيميل و مضيعه يحبوا الزحمة :P !

    keep it up gurl
    Peace ;)

    التعليق: بواسطة Not Found — أكتوبر 15, 2007 #

  2. صباح الليل 8O ، توك تحلينه ، شكل فيك عرق سوداني :mrgreen: ، امزح ..
    بس على فكرة انتِ و إيرور تراني ما أفرّ السوق >>معصبه :evil: ، والله هالمره نزلت مره وحده ، وشريت بساعة وحده >> أنجاز ترى :mrgreen:

    درجتك7 /10 لأنك متأخره >> صدقت :mrgreen:
    بس ترى سلطان هو الأستاذ ترى بعلّم :mrgreen:

    مساءك رايق .. :)

    التعليق: بواسطة female — أكتوبر 15, 2007 #

  3. واجب !!! 8O

    وفي أيام العيد :evil:

    طيب هانتظر أي شخص يحل الواجب الأول ، وبعدين أنقل منه …. هههه

    جاري البحث في الكتب والمراجع على الإجابات ….

    شكراً على ….. الواجب

    في آمان الله

    رادار

    التعليق: بواسطة radar — أكتوبر 15, 2007 #

  4. إرور: جفتي! الظاهر فلم التوأمين السياميين جرب يكتمل :mrgreen:

    منورة :)

    التعليق: بواسطة Amal — أكتوبر 16, 2007 #

  5. فيميل:
    اهئ اهئ… 7 من 10 :cry: ..بطلب واسطة من سلطان :P
    انا قلت انزّل البوست مرة وحدة ويا العيد :P

    ما شاء الله علييييييج حصلتي شي خلال ساعة وحدة !!! أنا اشهد انه انجاز…خخخخخ

    مسااااائك سكر :)

    التعليق: بواسطة Amal — أكتوبر 16, 2007 #

  6. رادار:
    لا تخاف الواجب سهل…نبي خمس مراجع بس ولاتنسى تكتب المصادر.. وصفحة الغلاف لااازم تكون مرتبة وعليها كل البيانات :P < متعقدة من بحوث الجامعة!!

    التعليق: بواسطة Amal — أكتوبر 16, 2007 #

  7. مبروك نجحت في حل الواجب

    يعطيك العافية

    التعليق: بواسطة فـــــــواز — أكتوبر 17, 2007 #

  8. نجحت بس على الحافة :P

    الله يعافيك أخوي !

    التعليق: بواسطة Amal — أكتوبر 17, 2007 #

  9. اي والله عقدتنا بحوث الجامعة.. ألف بربوزال و بعدها ريبورت يا ساتر منه

    ..

    أمول .. فاتني تاريخ الواجب و إلا لسه؟

    نأجله للدور الثاني بعيد الأضحى؟ :MRGREEN:

    التعليق: بواسطة ftm4 — أكتوبر 18, 2007 #

  10. هلا فطوووم :)

    أوكي…مو مشكلة..نأجل تصحيح الواجب لعيد الأضحى بإذن الله.. :)

    التعليق: بواسطة Amal — أكتوبر 18, 2007 #

  11. امل

    ههههههههه.. ضحكتيني من فوائد البطالة .. صدقج والله
    انا جربت أشتري هالسنة ثياب العيد في الصبح جد اخترت عن خاطري بدون زحمة وهدوء والبضاعة منضمة ومحطوطة في مكانها ..

    بس أغسل الثياب وهي جديدة هذي ما جربتها :D
    أحب ريحة الجديد
    :)

    التعليق: بواسطة فتاة الحزن — أكتوبر 25, 2007 #

  12. جفتي شلون…البطالة لها فوائد جمّة محد يعرفها غيرنا !! ;)

    الثياب الجديدة أوديها المغسلة ما أغسلها بنفسي..بس ترجع وكأنها ما انغسلت و نظيفة ! جربي العيد الياي !

    نورت المدونة بزيارتج :)

    التعليق: بواسطة Amal — أكتوبر 25, 2007 #

أضف تعليق

XHTML: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

المدونة لدى WordPress.com. | Theme: Pool by Borja Fernandez.
Entries and comments feeds.