حالات حـــب!

19 أغسطس

واجب وهقتني فيه العزيزة إرور وطلبت مني كتابة 10 حالات حب مررت بها! 10 مرة وحدة… صعب!!!! بس بحاول أعصر مخي!

1- أحب التسوق وايد..فطرة فينا احنا البنات😛

2-أحب اجمع أدوات القرطاسية الغريبة…يعني اذا جفت قلم مبتكر او مقلمة غريبة اشتريها على طول…ما استخدمهم بس احب يكونون عندي…!

3-أحب مسلسل Gilmore Girls..قصته تقليدية..تتكلم عن بنت وأمها قريبين من بعض وايد وما يخشون عن بعض شي..يعيشون في إحدى المدن ويواجهون بعض المشاكل بعد افتراقهم…بس السيناريو مو طبيعي…مبتكر ويديد!

4-أحب أسوق السيارة يمكن أكون خوافة شوي في السياقة وحدي 80 ما أزيد بس أستمتع وانا اسوق..لأني احس باستقلاليتي.

5-سيارتي بعد أحبها ومتعلقة فيها وايد…صغيرة وكتكوتة وتدخل بأي داعوس…!

6-طبعا الكمبيوترما أستغني عنه…علاقة حب قديمة بيني وبينه😛

7- أحب السينابووووووووون…يممممميييي…ودي أعطي اللي اخترعه جائزة نوبل للابداع المطبخي!

اممممممم

خلاص ما عندي شي …تقدرون تدشون صفحة About me اذا تبون اكثر:mrgreen:

22 تعليق to “حالات حـــب!”

  1. Error 19/08/2007 في 12:57 م #

    ايشبنا كلنا موقفين عند رقم 7 !! الظاهر فيه ســـــر *_* < تأثير الأفلام على الفرد :mrgreen:
    في حبك للسينابون تذكريني ببنت عمي , تمووووووت فيه بشكل مو طبيعي , شبه مدمنة !!
    Gilmore Girls !! من زمااان عنه ,, في أي وقت يعرضونه ؟؟

    —-
    برضووو تعجبيني في ناحية الاجتهاد في حل الواجبات ,,
    خليكِ كذا على طوووووووووووول =)

  2. homaid 19/08/2007 في 2:45 م #

    انا ايضا احب مشاهدة Gilmore Girls واحب مشاهدة CSI و Scrubs ووووووو يمكن كل المسلسلات الاجنبية ههههههه.

  3. وتر 19/08/2007 في 2:48 م #

    جلست اضحك كثييييييييييير على حكاية السنابون.. بصراحه هذا احلى شي في الدنيا خصوصا لما يكون

    بالمكسرات..بس يا خسارة جالس اسوي ريجيم ولي اكثر من 4 اشهر مبتعد عن السنابون

  4. amalzone 19/08/2007 في 3:45 م #

    إرور :
    هههههه…هذا تأثير المحقق كونان!

    السينابون صار إدمان خلاص وخاصة ريحته اميزها من على بعد ميل…!

    الله يسلمك Gilmore Girls يحطونه يوم الأحد الساعة 9 .. على دبي ون < مو كأني اللي في التلفزيون خخخخخخ

    طول عمري شاطرة في حل الواجبات:mrgreen: وان شاء الله نظل على هذا المنوال !

  5. amalzone 19/08/2007 في 3:52 م #

    حميد:

    انا بعد اتابع بعض المسلسلات الاجنبية ما عدا CSI فيها اجرام مو طبيعي! بس Gilmore Girls متابعتي له هي التوب!

  6. amalzone 19/08/2007 في 3:55 م #

    وتر

    هههههه طلع للسينابون مشجعين كثار وانا مادري! بس ما اقدر استغني عنه حتى مع الرجيم لا يقاوم

    مع تمنياتي برجيم ناجح إن شاء الله !

  7. homaid 19/08/2007 في 4:49 م #

    امل انا بتابع CSI لسبب مهم جدا انهم يعتمدون على جمع المعلومات بصورة كبيرة جدا, لا يعتمدون على الافتراض, اهم شئ هو الدليل.

  8. amalzone 20/08/2007 في 2:11 م #

    هو فعلا طريقتهم في الحل حلوة بس بعد في بعض المشاهد ما احب اشوفها!

  9. عابر سبيل 21/08/2007 في 1:22 م #

    حالات بعضها غريب !!!

    على فكره ما هو السينابون ؟ ؟ ؟ ؟!؟!!

  10. dubai85 21/08/2007 في 2:11 م #

    استغفر الله ما احب السينابون .. حتى في البيت يسونه عدنا ..أكون ميودة خشمي طول الوقت لوووول ..!!

    حالات قربتنا أكثر لشخصيتج : ) !

  11. ِأحمد 21/08/2007 في 2:24 م #

    عرفونا يا أهل الخير وش هذا السنابون؟؟

  12. amalzone 21/08/2007 في 3:53 م #

    عابر سبيل:

    أكيد النقطة الثانية اللي استغربت منها!!
    السينابون نوع من انواع الفطائر بالدارسين (القرفة ) وينحط من فوقها كريمة ومكسرات

    شوف شكله هـــنـــــا

  13. amalzone 21/08/2007 في 4:02 م #

    دبي:

    أنتي أول وحدة اسمعها تقول ما أحب السينابون!! سبحان الله الناس أذواق..
    أنا أموت على ريحته وريحة الدارسين عموما

    سعيدة بزيارتج🙂

  14. amalzone 21/08/2007 في 4:08 م #

    أحمد:
    هههههههه..هذا اخو الخنفروش!
    تقدر تجوفه من هــــنـــــــــا

    حياك الله..

  15. female 22/08/2007 في 7:36 م #

    حتى انا أحب مسلسل غلمور غير >> طيب لا تبكين:mrgreen:
    كأن الواجب ناقص .!! >> الله يرحم إيام الأبتدائي
    انا أحسدك على سيارتك >> عيني عينك الحسد:mrgreen:
    موفقه أموله

  16. amalzone 22/08/2007 في 9:50 م #

    لالالا الواجب مو ناقص😛 مادام الأبلة إرور ما قالت شي يعني خلاص شغلي عدل !:mrgreen:

    شدعوة سيارتي شبح ولا هامر…حسدي علي كيف كيفج ..بس ذكري الله خخخخخخخخ!!

    حياج الله فيميل🙂

  17. عابر سبيل 23/08/2007 في 8:13 ص #

    أها ، يعني كل اللي في الموقع من صور هي سينابونات !

    هل لهم فروع في أبوظبي ؟ نبا نجرب ؟ بس أذكر رأيت مثله في كارفور اظن

    عالعموم يعطيكم العافية

    مقلمة ؟ هواية غريبة !

  18. amalzone 23/08/2007 في 2:53 م #

    ايووووه هذي منتجات المحل بس انا اللي احبه اللي بالمكسرات..لا يقاوم!

    بصراحة ماعندي فكرة اذا موجود في بوظبي…بس اذا تبي تجرب حياك البحرين موجود في مجمع السيف!!

    على فكرة المقلمات اللي اشتريهم اوزعهم على أطفال العائلة كهدايا لهم..!

    حياك الله

  19. jess mariano 06/09/2007 في 12:43 ص #

    ilove gilmore girls for ever

  20. Amal 06/09/2007 في 11:44 ص #

    Yes! Go Gilmore Girls🙂
    Thanks jess!

  21. نآدرهـ في آلوجود 09/08/2009 في 10:38 ص #

    يسلموو على المووضوع

    بس انتبهي من السنابوون على وزنــك خخخ

    ربي يعطيك العــافيه ..

  22. ~Amal~ 09/08/2009 في 12:40 م #

    ههههههه..آخذ الحجم الصغير فقط..وينحرق مع المشي في المجمع😀
    يا مرحبا🙂

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: